Consellos e recomendacións

Imprescindibles na nosa mochila

• Alpargatas, chanquetas ou zapatillas deportivas para os momentos de descanso
• Botas
• Roupa interior e calcetíns de algodón sen costuras e de la
• Un par de pantalóns
• Un par de camisetas
• Un par de suadoiros ou xerseis
• Sombreiro, viseira ou gorra
• Saco de durmir
• Papel hixiénico e panos de papel
• Cantimplora
• Crema solar de proteción alta
• Unha pequena botica de primeiros auxilios que inclúa o básico: apósitos adhesivos, apósitos de xelatina, pinzas, agullas hipodérmicas, mercromina ou similar, analxésicos e antiinflamatorios.
• A nosa documentación e tarxetas de crédito, xa que non é conveniente portar moitos cartos en metálico.
• Teléfono móbil e cargador
• Cuncha de peregrino
• Tapóns para os oídos
• Lanterna
• Traxe de baño
• Artiluxios básicos de cociña
• Deterxente
• Chisqueiro

Planificación do camiño

Fai camiñatas as semanas previas, entrenamentos que deberás ir aumentando gradualmente en tempo e en dificultade.
Planifica as etapas e a forma de facelas de maneira personalizada. Que o camiño se adapte ás túas capacidades físicas e obxectivos. Dosifica o esforzo e segue o teu propio ritmo. O camiño non é unha carreira, é tan importante o traxecto como a meta.

Exercicios de quecemento

Os exercicios de quecemento e estiramento muscular deben ser constantes mentres se está facendo a ruta. Presta especial atención aos xemelgos.

Calzado

O calzado debe ser xa usado e adaptado ao pé, non un novo. O mellor son as botas de trekking ou de montaña, preferiblemente con sola dura. Leva ademais, sandalias ou chanquetas para os momentos de descanso.
Uns calcetíns adecuados son fundamentais: preferentemente de algodón e sen costuras. Se usas botas, leva outro par de calcetíns de la. Débense manter sempre limpos.

Mochila

A mochila debe adaptarse ao contorno da espalda para que poidamos manter unha postura corporal correcta. O peso debe ir preto ao eixe do corpo. Débese levar o básico e imprescindible e nunca debe pasar dos 10kg.

Lesións

Xeonllos, tendóns e pés son os nosos puntos débiles; esguinces ou escordaduras, as lesións máis frecuentes, que deberás coidar xa desde o principio (con algún analxésico para a dor, pomadas antiinflamatorias, vendaxes compresivas ou masaxes).

Botica de primeiros auxilios

Non esquezas incorporar unha pequena botica de primeiros auxilios co indispensable para o coidado de pés e a proteción da pel (agullas hipodérmicas, apósitos de xelatina, apósitos adhesivos, vendas, crema solar e hidratante e unhas pequenas tesoiras).

Alimentación

A nosa alimentación debe ser lixeira, con aportes importantes de hidratos de carbono. E unha boa hidratación: debes tomar líquidos antes, durante e despois da camiñata, arredor de 2 litros de auga ao día.

Horario recomendado

Non fagas o camiño de noite. Nin antes do alba nin despois da posta do sol.
A ruta está trazada e sinalada para camiñar coa luz do día.

Clima

Galicia é unha terra húmida, fértil, con choivas durante boa parte do ano. É un atractivo que nutre e dá esplendor á pasaixe, e tamén un condicionante que debemos prever. As temperaturas nunca serán extremas: oscilan entre os 25 e 30 graos nas xornadas estivais de máis calor (xullo e agosto), e os 0-5 graos de mínimas en zonas puntuais de interior e montaña.

Emerxencias

Ante calquera emerxencia podes chamar ao 112, gratuito e funciona as 24 horas todos os días do ano. Atende calquera tipo de emerxencia.

Lixo

Non tires nada ao camiño. Hai contedores en cada pobo para depositar os desperdicios.
Coida esta ruta milenaria que ante ti se extende, e protéxea.