Etapa A Escravitude-O Faramello

Planta rectangular dunha nave con cabeceira destacada. Ten cantaría de granito, fachada con portada de frontón recto partido e torre de campás dun só corpo, ademais de pilastras ortogonais con cupulita, canzorros e porta do século XVI no muro norte e canzorros no muro sur. Ten contrafortes con canzorros nos muros norte e sur, o muro leste con fiestra absidal de arquivoltas e presbiterio dobrado con arco triunfal de medio punto, sobre columnas de capiteis de fitaría.

Fonte: obaixoulla.gal

A aldea de Angueira de Castro compón un espazo singular, en pleno corazón do Camiño Portugués que atravesa o Concello de Rois e fotemente vinculado á lenda áurea do Apóstolo a a mítica raiña Lupa.
A aldea conserva gran parte das edificacións da arquitectura tradicional, adaptándose ao monte que xorde en torno a el.

Fonte: santiagoturismo.com

Administrativamente atópase dividido nos concellos de Rois e Brión, pertencendo a maior parte a este último. O recinto castramentado está a uns 140 metros de altitude, sobre un monte que domina o contorno e os vales do Sar e o río Tinto.
Chégase á acrópole por un camiño empedrado pola zona norte, sendo esta a única entrada ao recinto coñecido como a “Eira dos Mouros”.
Rodeando o recinto vemos unha muralla que está relativamente en bo estado e que ten alturas e ancho diferentes segundo o treito que atravesa.
No seu interior está unha ampla plataforma de 1,4 ha., cruzada por murallas que posiblemente pertenceran a unha fortaleza medieval que dominaría o paso por unha antiga vía que atravesaba pola Ponte de Francos sobre o río Tinto en dirección ao val da Amaía.
Atribúese a este castro a lenda medieval da residencia da raínxa Lupa,relacionado co mito xacobeo do traslado do Apóstolo a terras de Santiago.

Fonte:O Concello de Rois: Historia, Economía e Arte. Clodio González Pérez.

Está situado en pleno corazón da Comarca do Sar, encóntrase equidistante en 12km de Padrón e de Santiago de Compostela, ademais é o derradeiro pazo atravesado polo Camiño de Santiago portugués antes de chegar á capital compostelá. A finca abarca unha superficie de 126.000 m2 e o edificio principal supera os 2100m² magnificamente construídos.
Destaca entre a élite dos grandes pazos galegos pola súa orixe industrial, xa que se fundou a partires da Real Fábrica de Papel do Faramello, 1710, pioneira e abandeirada da industria galega por máis de dous séculos e da cal aínda se poden visitar os antigos muíños cos seus correspondentes apeiros.

Fonte: patrimoniogalego.net

Está situada dentro do Pazo do Faramello, antiga fábrica de papel. Despois da do pazo de Antequeira (Oín), é a mellor das capelas do Concello de Rois. Esta capela foi traslada despois da Guerra Civil dende o pazo da veciña aldea de Angueira de Castro onde se coñecía como “Capela de Xesús, María e Xosé”. Trátase dunha capela privada, mandada erguer por Fernando Cortés no século XVIII.

Fonte: Pazo do Faramello | O Concello de Rois: Historia, Economía e Arte. Clodio González Pérez

Descoñécese a súa data de construcción, aínda que aparece xa mencionada en documentos do ano 1755.
No seu interior sobresae unha enorme cuncha mariña, do xénero "tridacna", que é empreagada como pía de auga bendita. Foi doada en 1790 polo patrimonio formado por Pedro Lobato e Alberta Ameneiro, segundo a inscrición que a acompaña.
Esta capela está fortemente vinculada ao Camiño Portugués, alí poden selar as persoas peregrinas a súa credencial.

Fonte: turismo.teo.gal

Aparecen na documentación relativa a unha visita que se fíxose no 1598, cando pertencía ao Hospital Vello de Santiago. Pouco despois a universidade fixose cos seus bens e padroado.
As primeiras celebracións no día da Santa datan da primeira metade do século XVII.
No atrio da Capela sitúanse dous cruceiros. Un deles foi devolto ao seu lugar orixinal o día da santa de 2004, feito que se recolle nunha placa situada ao lado.

Fonte: concellodeames.gal