Árbores senlleiras

Lat.: 42.455200 | Lonx.: -8.413144

Sitúase á entrada do colexio de Dices-Rois.

Especie caducifolia do E de Norteamérica, cultivada como ornamental pola súa vistosa floración.

Foi plantada polos escolares e mestres na conmemoración da Festa da Árbore do ano 1988. Malia non ser exemplar lonxevo xa ten un perímetro de 2,30m e unha altura de 15m.

Lat.: 42.455038 | Lonx.: -8.413309

Sitúase no patio do colexio de Dices-Rois.

Especie propia do pais. O seu perímetro é de 2,62m e a altura 15m.

Este exemplar, do ano 1990, naceu de forma espontánea e forma parte dunha ringleira de árbores, todas diferentes, para simbolizar que neste centro educativo téñen cabida rapaces e rapazas de calquera condición, raza, crenza, clase ou opinión.

Lat.: 42.453680 | Lonx.: -8.413148

Ubícase no Pazo de Antequeira.

Especie caducifolia, europea, que prefire terreos calizos polo que no país galego só é espontánea na banda oriental.

Este magnifico exemplar, dos mellores de Galiza, supera o século, medindo 3,50m de perímetro e uns 25m de altura. Esta catalogada no Inventario de Árbores Monumentais de Galiza.

Lat.: 42.483829 | Lonx.: -8.374396

Ubícase no Pazo do Faramello.

Especie europea, caducifolia, propia de beiras de ríos. O lanzal exemplar que ocupa ten 2,96m de perímetro e unha altura aproximada de 27m.

Especie europea, caducifolia, propia de beiras de ríos. O pazo do Faramello acolle magníficos exemplares de diversas especies (magnolio, loureiro real, acivro...) que seguramente son de finais do S.XIX-primeiros do S.XX.

Lat.: 42.453728 | Lonx.: -8.412922

Ubícase no Pazo de Antequeira.

Especie caducifolia do centro e sur de Europa. Perímetro de 3,52m e altura aproximada de 32m.

Encontrámola tamén no Pazo de Antequeira, propiedade da familia Calderón (descendentes de Calderón de la Barca). Ten arredor de cen anos. Esta catalogada no Inventario de Árbores Monumentais de Galiza.

Lat.: 42.460284 | Lonx.: -8.401380

Sitúase na finca da Casa do Bispo, parroquia de Seira.

Especie mediterránea, que en Galiza aparece, escasa, como cultivada.

Extraordinario exemplar cun perímetro respetable: 4,67m, e unha altura aproximada de 27m. Pode chegar os 150 anos.

Lat.: 42.460248 | Lonx.: -8.400645

Sitúase na finca da Casa do Bispo, parroquia de Seira.

Especie autóctona, seguramente e a máis característica do país.

Aparecendo na toponimia, na onomástica... e no escudo do concello de Rois. Ten un perímetro de 3,4m e supera o século de vida.

Lat.: 42.463411 | Lonx.: -8.401545

Ubícase no adro de Seira.

Especie mediterránea da que no adro de Seira hai dous exemplares notables; o maior ten 8,5m de altura e 3,30m de perímetro.

Recentemente cortáronse as súas raíceiras pois deterioraban o muro de peche (muro onde se atopou hai anos unha tampa sueva, única en Galiza). Posiblemente cheguen aos douscentos anos de antiguidade.

Lat.: 42.472273 | Lonx.: -8.403626

Sitúase na finca que limita por un lateral ao célebre Via Crucis da parroquia de Sorribas.

Especie de SO europeo, amplamente estendida polo país galego. Este fermoso exemplar ten un perímetro de 2,60m e supera os 30m de altura.

Destaca o seu fuste columnar, sen pólas, calculándose que ronda as 7-8 toneladas. Encontrámolo na finca que limita por un lateral ao célebre Via Crucis desta parroquia e estímase que ronda os oitenta anos.

Lat.: 42.471659 | Lonx.: -8.454522

Sitúase na parte alta da aldea de Busto.

Especie procedente de California, utilizada para repoboación. Caracterízase por ter tres picas.

O exemplar, na parte alta da aldea, é ben notorio e caracteriza o lugar. Destaca o seu perímetro, 4,08m, aínda que a súa idade, segundo os propietarios, é só de 53 anos.

Lat.: 42.460251 | Lonx.: -8.433660

Ubícase na aldea de Silvarredonda, Buxán.

Especie mediterránea que en Galiza ocupa as zonas máis cálidas, e recede tamén os nomes de sobreira e corticeira.

Este fermoso exemplar, que engalana a aldea de Silvarredonda, Buxán, ten un perímetro de 3,70m; cítase en documentos privados hai 150 anos.

Lat.: 42.465325 | Lonx.: -8.423193

Sitúase na parroquia de Herbogo.

Especie perenne, propia de Asia oriental. Difundíuse moito por Galiza a partir de finais do S.XVIII.

O exemplar do adro da igrexa destaca por abrirse en numerosos brazos desde o chan. Ten 1,85m de perímetro na base e 5,45m de altura. Da súa idade dá idea que vellos e vellas din que o lembran xa así cando eles eran nenos.

Lat.: 42.460683 | Lonx.: -8.432477

Ubícase na aldea de Silvarredonda, Buxán.

Especie mediterránea.

Engana a súa aparente xuventude. Plantado segundo a tradición popular hai douscentos anos a partir dunha ponliña bendita, sobreviviu a varios lumes. Hai dez anos trasladárono ao seu actual emprazamento. O vecindario colle as súas ponlas para bendecir na Semana Santa.

Lat.: 42.475601 | Lonx.: -8.430505

Sitúase ao saír da aldea de Liñares, parroquia de Costa.

Especie caducifolia do SE de Europa, moi difundida por Galiza. Moi apreciada pola excelente madeira e polo seu froito que deu lugar á festa tradicional dos magostos.

Este exemplar sitúase ao saír da aldea de Liñares, parroquia de Costa, pasando unha ponte sobre o río Liñares, nunha finca alta sobre o camiño agrícola. Ten 4,30m de perímetro e 22m de altura. Supera o século.